Awe ta tuma luga e ultimo weganan di octavo final pa asina pasa e kwart final di FIFA Women’s World Cup France 2019 ta yegando. Poco poco e final ta yegando unda cu e teamnan feminino ta luchando fuerte pa yega final y bira campeon.
E teamnan cu a pasa pa kwart final y lo enfrenta otro ta Norwega contra Inglatera dia 27 di juni, Francia contra Merca dia 28 di juni y Alemania contra Suecia dia 29 di juni.
Ainda falta e ultimo 2 teamnan p’e kwart final ta bin di e wega entre e teamnan di Italia-China y Hulanda-Hapon. E prome wega lo ta entre Italia y China, despues Hulanda contra Hapon. E line up di Italia ta Laura Giuliani (keeper), defensa (4) Alia Guagni, Sara Gama (capitan), Elena Linari, Elisa Bartoli, medio campo (3) Valentina Bergamaschi, Manuela Guigliano, Valentina Cernoia, delantero (3) Valentina Giacinti, Cristiana Girelli y Barbara Bonansea.
E line up di China ta Peng Shimeng (keeper), defensa (4) Liu Shanshan, Lin Yuping, Wu Haiyan, Han Peng, medio campo (4) Gu Yasha, Wang Yan, Zhang Rui, Wansh Shanshan, delantero (2) Li Ying y Wang Shuang. Pa 3:00pm Hulanda lo ta enfrentando Hapon buscando pa sigui. Hapon y Hulanda a enfrenta otro un biaha caba, unda cu e team Hulandes a perde esaki.
