The Hilton Aruba Caribbean Resort & Casino recientemente a introduci e restaurant Laguna completamente renoba cu asiento comfortabel, tanto paden como pafo. E restaurant ta sirbi desayuno diario y dinner na huesoed di e hotel como tambe localnan na 25% di descuento.
Na honor di e celebracion di Dia di Mama, famia y amistadnan por disfruta di un tempo ameno cu otro durante un desayuno cu ta rek bay te cu merdia pa e dia special aki. Disfruta di ful e menu ‘a la carte’ of di e buffet di fruta fresco, yogurt, omelets y webo na ordo, warm bites, pan fresco y juice natural, koffie y thee hunto cu un variedad grandi di cos dushi. E restaurant su menu nobo a la carte ta inclui platonan popular manera Super BLT Croissant, Tropical Acai Bowl, Old Bay Cakes y Arepa Reina Pepiada. Un menu cu tin wake-up cocktails y smoothie fresco na bo gusto, cu ta añadi un toke unico na e comienso di e dia.
Pa famia y amistadnan cu ta desea di celebra e hende muhe di mas importante den nan bida durante dinner, e resort su brigada culinario a prepara un a la carte festivo special pa dinner cu un escogencia di tres aperitivo, tres entrada y un postre inolvidabel.
Dinner ta cuminsa cu un Amuse Bouche, Crispy Herb Bread, hunto cu honey-pomegranate tuna salad. Algun aperitivo delicioso ta inclui tambe Grilled Shrimp Salad, Escargot y Brioche Skewer, of Palmito Ceviche. E specialnan riba e entradanan ta inclui Honey Soy Glazed Seabass, Brown Sugar TOfu y Quinoa Salad, of Herb Crusted Rack of Lamb. Pa postre, e Deconstructed Black Forrest Cake cu crema, cheries y chocolate-shavings cual ta haci un final sensacional sumamente delicioso na un bon anochi, un manera hopi bunita pa mustra aprecio pa mama.
Laguna ta habri pa Dia di Mama riba 12 di mei pa desayuno entre 7:00 am pa 12:00 pm y pa dinner cumisando for di 5:30pm te cu 10:30pm. No ta rekeri reservacion, pero pa gruponan di mas cu seis persona ta preferibel pa haci un reservacion prome cu bin. Por tuma contacto libremente cu Laguna na +297 526 6612 pa mas informacion.
