For di diaranson ultimo a inicia e competencia internacional di tiramento na Aruba. E biaha aki, Aruba tabata anfitrion di e competencia aki. Ta trata di un competencia di nivel 3. A invita tur tirado di mundo pa bin participa den e evento. A conta cu presencia di personanan di Corsou, Boneiro, Jamaica, Trinidad, Ecuador, Colombia, Guatemala, Mexico, Hulanda y mucho mas.
A mira tiradonan di for di diesun aña caba te cu otronan di ochenta aña. Den tur sorto di forma y manera lo sigui organisa competencianan asina. A conta cu 120 tirado, claro, nan ta bin cu nan famia y ta gasta placa. Ta keda na hotel, ta huur auto, ta come, pues ta un boost pa nos isla. Na 2026 Aruba lo ta anfitrion un biaha mas di un Pan Americano.
Na 2026 lo por conta cu por lo menos dos of tres biaha mas hopi tirado den comparacion den locual a participa e biaha aki.
Ya a cuminsa cu e preparacionnan necesario pa e Pan Americano 2026. Ta invita un y tur cu ta interesa den e deporte di tiramento, pa pasa tur diadomingo na tereno cerca di WELA p’asina por join e deporte aki.
