Diamars atardi, pa mas o menos 3:20 pm, a sosode un accidente n’e crusada di CMB Noord. E accidente aki a sosode debi na falta di preferencia.
Chauffeur di e Toyota color shinishi number A-18564 a subi caminda sin duna preferencia n’e Kia Rio color blanco number A-41159 cu na e momento ey tabata riba su caminda di preferencia. Polis a presenta na sitio pa asina dirigi e trafico como tambe pa atende cu e accidente.
A pidi presencia di ambulance p’un persona cu a resulta herida den e accidente aki. E paramediconan a presenta n’e sitio pa asina atende cu e homber kende tabata keha di su man.
Ambos auto a ricibi daño n’e parti dilanti, unda cu bumper di e Kia Rio a termina tira na suela.
