E anja aki atrobe Fundacion Movemento ta Bida (FMTB) ta bai organisa un Song Festival bailable 60+ cual lo tuma lugar dia 23 di November 2019 den Ranaissance Ballroom hunto cu nos Nochi di Baliadornan.
E anja aki e cancionnan mester ta na Papiamento p’asina promove nos idioma. Tur cantante lo worde companja pa Papito y su Biba Lekker Band y e coordinacion completo lo ta den man di Roy Sneek . Harold de Miranda lo ta e coordinador di parti di FMTB.
Tin lugar pa 15 cantante y tur persona 60 anja of mas edad por partisipa menos esnan cu ta professional y FMTB ta carga tur gasto di e songfestival. Bo no mag di ta cantante di un Banda. Kiko mester hasi pa partisipa: !. Duna bo nomber , adres y telefon na FMTB situa den edificio di IBISA tel 5868651 2. E anja aki lo tin un lista di cancion cu bo por escohe serca Roy Sneek 3. Mester hasi esaki promer cu fin di 10 di juli 2019. 4. Pa luna di juli tur hende lo hanja un sita cu Roy Sneek pa check tonada di bo cancion etc.. Pa cualkier informacion por jama Harold de Miranda na cel 5930854, Roy Sneek na cel : 5655269 of cualkier miembro di Directiva di FMTB. Si bo kier canta dilanti di un publico grandi cu un banda anto awor ta bo opportunidad. Jama pa inscribi pasobra ta 15 lugar so tin. Di antemano nos ta desea tur partisipante hopi exito y goza hopi.
