Jolly Painters ta presenta nan prome exposicion na biblioteca. Esaki ta habri dialuna dia 13 di mei pa un siman largo durante orario regular di biblioteca.
Jolly painters ta un grupo di cuater amiga cu ta pinta hunto regularmente, disfrutando nan hobby. Nan ta Babs (Barbara) Kroonenberg, Adelaida Ponson, Elo Lee y Vivian Storm-Croes.
Cada un tin nan gusto/estilo diferente y esey por nota tambe den e obranan. Abstracto, naturaleza, colorido, romantico, fantasia. Tambe tin mas obra di man manera boter decora. Pues basta articulo interesante pa admira.
Apertura di e exposicion ta dialuna dia 13 di Mei 2024 di 6:00pm pa 8:00pm den sala di Exposicion na Biblioteca Nacional Aruba. Esaki ta keda habri te cu diabierna dia 24 di mei 2024.
Publico ta bonbini.
