E parlamentario independiente Rycond Sasntos do Nascimento den su distertacion den e reunion riba matrimonio di mesun sexo, a concentra riba su pensamento cristian, di loke ta para den Biblia como motibonan pa cual e no por bay di acuerdo cu e ley propone door di cuater miembro di parlamento pa reconoce matrimonio di mesun sexo.
Mester pone tur cos den balans, el a bisa. Entre otro e sentimento cu ta existi den comunidad, y mester tene cuenta cu e balornan cristian / catolico, ta loke cu Santos do Nascimento a bisa.
E ta bisa cu e curpa di hende muhe ta traha pa duna bida. Esey ta e diseño di e ser humano. For di punto di bista cristian e Creador a crea hende muhe y hende homber. Y esaki ta e pensamento hancra den codigo civil y no ta e misa a hinc’e eyden.
“Awe ta trata un otro modelo cu ta amplia e definicion di matrimonio pa homber cu homber y muhe cu muhe. Di e forma kier mustra cu cada persona kier defini su mesun personalidad. Aunke e proposito ta pa haya felicidad maximo, no por kibra e leynan natural.”
E pensamento catolico cristian ta nos como hende ta creacion di Dios. Ora cu scucha pastoor Dios a crea hende di e polvo di tera. Ora cu Dios a supla a duna bida. Ta algun punto cu e parlamentario independiente a trece dilanti.
