Siman pasa diasabra – 4 di mei, 2024 – famia Geerman a celebra e graduacion di Cindy Geerman. Cindy a gradua di Coastal Carolina University cu un Bachelors di Marine Science and Biological Oceanography.
Esaki ta un logro grandi cu ta yuda eleva e imagen di Aruba internacionalmente y cu ta yuda motiva otro studiantenan pa nan caba cu nan estudio. Cindy ta duna danki na Dios y su mayornan pa tur e esfuerso cu nan a haci pa Cindy su estudio. Sin nan, e logro aki no lo ta posibel.
Un di e palabranan cu Cindy semper tabata corda riba dje ora el a enfrenta momentonan dificil den su estudio ta di Betico Croes “gara e bandera y sigui cu e lucha”. Cindy a decora su graduacion cap cu e isla di Aruba y un sjaal cu Aruba su bandera pa asina demostra su orguyo di unda el a nace.
Cindy ta desea tur otro studiante hopi exito y “pa sigui pusha bay dilanti ni con dificil bo estudio por bira. Bo futuro ta den bo man!”
