SETAR ta saca su premionan keto bai tur luna celebrando 10 aña SETAR NV den 2013. Recientemente algun di e felis ganadornan a ricibi nan premio pa e campaña di tur luna pa cu celebracion di 10 aña como NV. Te cu awor ya tur luna tin 10 cliente a gana imediatamente cu SETAR diferente premionan den cuadro di celebracion di SETAR. Tur luna tin 10 felis ganador.
Policlinica di Oncologia di Dr. Horacio E. Oduber Hospital ta invita henter comunidad di Aruba pa acudi diabierna awor entre 10or di mainta te cu 2or di atardi na nan “Open Dag”.
Club Kibrahacha 60+ ta anuncia cu e aña aki atrobe ta organiza un Summer Camp pa 60 plus di edad. Tene na cuenta cu participante 60+ mester por cana bon y subi trapi.
Diaranzon mainta na Parlamento tabata tin un reunion caminda ATA su ehecutivonan tabata presente. Turismo como e pilar mas grandi di Aruba su economia ta importante pa Aruba su finanzas.
Manager di Surfside Marina a gara un choller ta horta un tas, e manager a bay pa ranca tas di e choller aki un rancamento di tas a cuminsa. E choller a laga e tas bay y sali na careda.
Poco pariba di cas di Gobernador a tuma lugar un accidente cu hende herida. Aki un Prado Preto a subi caminda sin duna preferencia. Net e Celta cu algun empleado tabata bayendo trabou y nan a dal duro. Den e Celta un dama sinta net tras di e chauffeur a keda herida cu dolornan fuerte na su braza.
E fin di siman venidero, dia 22 y 23 di juni, AWB ta organisando e caredanan di mas importante den e disciplina di Ruta pa e miembronan di AWB cual ta e Campeonato Nacional 2013.
Linear Park ta keda un area hopi bishita pa nos localnan tanto marduga mainta pero tambe atardi. Atardi esnan cu ta core cu nan auto riba caminda ta mira claramente cuanto hende awendia ta haci movecion. Diamars mes por a mira e cantidad di hende cu tabata tey pero tambe tabata tin un grupo cu pa prome biaha e bishita Linear Park.
Diamars den oranan trempan di atardi malhechornan a purba di probecha di un V-car cu yen di Maleta aden door di kibra den esaki y purba di bay cu e maletanan. Pa nan mala suerte a logra saca un maleta y un handbag ora cu seguridad di Museo Arkeologico a topa cu nan y grita hala nan atencion. E sospechosonan a sali nan careda bay lagando tur tur cos atras.
K-9 Unit di Polis a duna demostracion y splicacion over di droga na varios scol na Aruba. Tur esaki pa haci e hobennan maa conciente encuanto e trabou di polis y pa hiba polis mas den comunidad. E studiante, un total 230, a keda masha encanta cu e demostracion di alto nivel. E scolnan cu a haya demostracion ta: Caiquetio, Felipe B. Tromp, St. Aloyisius, Scol Paso pa Futuro y Conrado Coronel. Pa cuminsamento di juli lo bai tin varios demostracion pa gruponan (vakantie kamp).
Pa medio di e comunicado aki Team Paul Croes 2013 y Stichting Leadership & Excellence Foundation y candidato politico Paul Croes (AVP) kier informa comunidad completo en particular comercio cu e unico persona autorisa pa hasi peticion pa donacionnan pa e campaña electoral di Paul Croes ta Presidente di Leadership & Excellence Foundation sra. Sherryn Irving.
Diamars mainta e dos 6de klasnan cu a slaag di Pius X School a bai campa. Esaki ta un tradicion di e scol aki cu nan ta bai campa tur aña. E aña aki nan ta bai campa na Baranca di Yerbe pa dos dia.. Nan a bai diamars y diaranzon atardi a keda di bolbe bek. E muchanan a sali 8or di mainta y pafor di klas un grupo grandi tabata tey pa bisa e muchanan di 6de klas ayo. E muchanan di 6de klas a sali cu nan maleta, tas cu paña aden, cusinchi y tabata un momento manera di despedida tambe pasobra nan lo no bolbe e scol mas pasobra ta nan ultimo aña.
Den un futuro cercano nos artista y artesanonan lo tin un “cas”, un edificio unda cu lo por bende piesanan di artesania y arte cu ta wordo traha na Aruba y ta carga e “stempel” oficial. Tambe lo organisa tayernan special eyden. Minister Michelle Hooyboer-Winklaar a scoge e edificio modesto, pero historicamente hopi importante pa esaki y ta orguyoso di por anuncia cu oficialmente e restauracion di e edificio aki a cuminsa.
Den tur e rapportnan cu a wordo traha dor di agencianan di evaluacion manera IMF, S&P y Fitch Ratings durante e ultimo tres añanan ta enfoca hopi riba e pasonan cu gobierno a tuma pa stabilisa e fondonan di pensioen, pasonan tuma dor di gobierno pa stabilisa AZV, pasonan cu gobierno a tuma pa asina economia di Aruba conoce atrobe un recuperacion.
De Palm Corporation a haci un cos grandi diaranzon atardi. Nan a saca un cheque di 100 Mil florin pa asina yuda Fundacion Family First cu ta basta activo den comunidad. Famia Malmberg a garantiza cu tur anja nan como empresa lo saca un suma similar pa yuda e fundacion Family First cu tin un mision y un vision pa yuda guia gruponan y famianan den comunidad.
Por a nota den e corant Solo Di Pueblo cu ta publica mentira y insulto so a sali un caricatura bou tur nivel contra nos polisnanta tipifica partido Mep si paso nunca e partido Mep a sali pa nos polisnan alcontrario semper nan a insulta nos polisnan. Awor tur hende ta core pa nan responsabilidad!
Ora e gobierno di Mike Eman a gana eleccion na anja 2009 Aruba tawata den un decadencia den tur sentido di palabra! Un pueblo cu no tawata wak perspectiva pa futuro, un negativismo grandi y Aruba den un deterioro total.E gobierno a hanja un pais sin presupuesto traha pa anja 2010 y cu deficit di mas di 350 miyon pero a lora manga y a cuminsatraha pa restaura Aruba.
Hopi ta corda cu fin di aña pasa Banjolux tawata tin un campaña ariba Facebook caminda cu por a gana un baño na balor di Afl 20,000. E campaña aki tawata un exito rotundo caminda cu a ricibi comentarionan hopi positivo. E biaha aki Banjolux a bin cu un concepto nobo pa cu nan Facebook.
Campeonato HEINEKEN di Aruba Softball Bond dedica na Eddy Becker y Enrique Arcaya a continua riba veld di Kudawecha. Den categoria di A-Klas tabata tin dos tremendo partido. Den e promer wega RC Cola di nos amigo Juancho Geerman maneha pa Jacky a conose nan promer victoria derotando Hurricanes di nos amigo Everick Rincones cu score di 7-4.
Durante e conferencia di prensa semanal di partido AVP a tuma nota expresion di un parlamentario cu a comenta riba e chollernan den centro di ciudad y ex Music Box. E parlamentario Melvin Tromp a bisa cu a ofrece gobierno Hotel Central pa un miyon florin. Esaki ta un hotel cu ainda gobierno lo ta paga huur y keto bai ta den corte mirando un contrato cu tabata tin sin clausula di terminacion desde cu e gobierno a sinta. E ta mas bien un ruina cu mester wordo basha abou.
Un caricatura cu a wordo publica den Solo di Pueblo y cu a wordo condena door di e lider di MEP Evelyn Wever Croes, tambe a haya atencion di miembronan di Cuerpo Policial cu ta esnan cu ta wordo atacha cu e caricatura. Den combersacion cu Alto Comisario Dolfi Richardson, el a expresa cu miembronan di e Cuerpo Policial ta masha rabia cu e caricatura cu ta uno bou di tur nivel.
Den un combersacion teni cu Alto Comisario di Polis Dolfi Richardson a admiti cu Polisnan ta masha activo den fin di siman. Esaki en gran parti debi tambe na e diferente actividadnan cu ta tuma luga den fin di siman, atrayendo un publico grandi, cual ta haci cu Polisnan tambe mester ta pendiente pa cualkier iregularidad.
Durante e entrevista cu Tuyo Werleman a puntre tambe riba algun desaroyo cu tin na Bibito Pin. Nan tin un maneho cu no ta facil pa e hendenan special den comunidad. Tuyo Werleman a splica cu SVGA ta un fundacion hopi grandi cu ta consisti di 5 seccion y cu ya caba tin como 100 trahador. Werleman a splica cu nan ta acercando comunidad pa yuda nan cu nan proyectonan y nan programanan.
Den un entrevista cu Tuyo Werleman, director di e Fundacion pa esnan Gehandicapten SVGA, el a splica riba algun deseo cu nan tabata tin y ta mirando cu esakinan ta birando realidad. E fundacion a haya bishita den cuadro di e programa Bo Bario di gobierno, di minister presidente Mike Eman ken a puntra nan kico nan mester.
Cu sosten di un grupo grandi di Gobernantenan, Politiconan, Cantantenan y sin lubida e diferente clubnan di servicio a uni pa asina yuda YMCA den su di 5 evento anual di Teleton. Cu hopi placer e organisacion por anuncia, cu pa prome bes den historia, cu a logra colecta un suma asina grandi na donacion den comunidad.
Partido Democracia Real a tene su conferencia di prensa. Andin Bikker a comenta riba e degradacion di Aruba dor di Standard and Poors, y loke a sosode segun Bikker ta hopi preocupante aunke nos gobierno ta pinta tur cos bunita. Andin a splica cu ora un pais ta wordo degrada den su calificacion pa haya fianza esey ta pone cu e ta competi cu otro paisnan na un interes mas halto cu normal.
Como e titular di Infrastructura den Gabinete Mike Eman, Minister Benny Sevinger tabata entre esnan yama pa firma e contracto di renobacion y restauracion di edificio na punta di Zoutmanstraat, conoci como Museo Arqueologico. E intencion pa trece e monumento historico aki di 100 aña di antiguedad, bek den su gloria original.
Diamars merdia malhechornan a purba di probecha di un V-car cu yen di Maleta aden door di kibra den esaki y purba di bay cu e maletanan. Pa nan mala suerte a logra saca un maleta y un handbag ora cu siguridad di Museo Arkeologico a topa cu nan y grita hala nan atencion. E sospechosonan a sali nan careda bay lagando tur tur cos atras. Polis a yega tuma keho di e sucedido.
E ley di enseñansa obligatorio a drenta na vigor na Aruba. Cu esaki pais Aruba a tuma e obligacion pa garantisa y realisa e derechonan di cada mucha cu ta cay bou di e ley Arubiano aki.
Entrante prome di juli 2013 e call center di SVb, na unda ta yama 527-2782 pa notifica AO, ta bay conoce un cambio den su orario. Desde prome di juli e orario pa notifica AO ta habri desde 7:00 di mainta en bes di 6:00 di mainta. Esaki ta conta pa trahadonan den sector priva cu ta rekiri pa yama na telefon 527-2782 pa notifica AO.
Den luna di juni y july awor, partido AVP lo ofrece atrobe e servicio di asisti pueblo den cumpli cu nan deber di yena e formulario di belasting di entrada pa aña 2012. Esaki lo sosode den Cas di Partido na San Nicolas y na Playa.
Bomberonan tambe tin un tarea importante pa garantiza cu nan tin ekipo cla pa cualkier candela. Den Caya Grandi mes por a mira diferente test ta wordo haci. Awor tin liñanan bou tera ta core y a elimina e hydrantnan cu semper nos a conoce ta sali riba tera. Un sistema mas moderno y mas bunita.
Durante 3 luna por a participa pa por a gana viahe pa differente destinacion den Caribe manera Curacao, Cuba, Puerto Rico, St Domingo, Turks & Caicos y Bahamas. Luna di Mei tabata e ultimo luna pa por a participa y e ganador a keda conoci.
Diasabra awor lo tin un evento grandi ariba e Green Square di Partido AVP situa na e skina di Adrian Lacle y LG Smith Boulevard. Lo tin musica di Upgrade Music, Fellow, Basic One y varios Dj. Click play pa mira e video.
Rene Herde a comenta den conferencia di prensa, tambe riba ensejanza cu semper bai ta importante. E tema cu ta den discusion ta e baimento di studiantenan pa Hulanda, pero tin un tema mas importante ainda cu ta e seleccion di studiantenan di scol basico pa scol secundario. E seleccion aki a tuma lugar recientemente y e consecuencianan a wordo hopi discuti, segun Herde.
Diamars atardi polis y bomberonan a wordo mobiliza pa un candela na Diamonds International. E melding a drenta cu lo tin candela entre e dak cu e plafond. Parce tabata tin hende trahando riba e dak haciendo uso di candela. Na dado momento a cuminsa mira huma ta sali den e negoshi y trahadornan a bati alarma. Riba e dak esnan trahando a cuminsa core bai bin mirando e situacion. A pasa man pa e ekipo manual di paga candela y a actua. Ora bomberonan y polis a yega e situacion tabata controla caba. E danjo ta limita. E tipo di trabounan asina riba dak cu candela por causa situacionnan manera esaki.
"Nunca mi ta lubida unda mi mama ta biba, ni unda mi tata ta dera, ta 'drumi', cu ta na mi tera natal,” di e manera aki Dr. Edward Cheung a cuminsa pa reacciona riba palabranan di gradicimento cu el a ricibi for di Prome Minister Mike Eman den un combersacion via Skype.
Den dos articulonan anterior U.P.P. a mustra riba 4 punto di salida como condicion pa un eventual participacion di nos partido U.P.P. den un proximo gobernacion di coalicion. Pa por logra cu e 4 principionan bira efectivo, U.P.P. tin e firme proposito pa ancla esakinan den ley, locual lo mester sosode dentro di maximo 6 luna, pero preferiblemente dentro di 3 luna, despues cu e gobierno di coalicion sinta.
Luna pasa a tuma lugar e testnan pa selecta alumnonan di enseñansa basico cu kier bay scolnan di mavo, havo y vwo. E resultado di e testnan aki semper ta causa dolor serca maestro y majornan di alumnonan cu no pasa e test cu bon resultado. Majornan ta sinti cu e futuro di nan jiu ta bay perdi y maestronan ta sinti cu nan alumnonan no a presta bon of cu nan - e maestronan y e scol - a faya.
Mani Lopez ta un maestra y un persona hopi conoci y respeta na Aruba. Un persona cu definitivamente tin e don di esnan den enseñansa di conecta cu y yuda tur cu mester di ayudo y atencion. Wela di e candidato mas hoben di Partido di Pueblo Arubano, Tyson Lopez, a introduci cu nieto stima durante su lansamento oficial algun dia atras.
Melvin Tromp a splica den conferencia di prensa, cu el a mira publicacion den medionan local, cu ta bisa cu Mike Eman mester stop di papia di un ciudad di 5 strea, y ta referi na un propiedad cu ta choller house pabao di Hotel Central. Melvin a splica cu e tin informacion concreto cu ta mustra cu ta trata aki di un tereno propiedad particular cu no tin di haber cu gobierno, pero solamente cu e donjonan a bira victima di e mal maneho di gobierno anterior.
Evaluacion di Standard & Poor’s di Aruba di A- pa BBB+ ta consecuencia directo di ciere di e refineria. Esaki e agencia ta bisa cu tanto palabra den su analisis. Minister Mike de Meza a bay den detaye riba kico tur a pasa prome cu Valero a yega na decision di para su operacionnan na aña 2009. Despues di un tira y hala di algun aña cu gobierno di e tempo ey y na unda e relacion cu Valero a bay bou hopi presion, e refineria a dicidi pa para su operacionnan.
Diasabra ultimo a tuma lugar e di 6 Suriname Open Championship na unda cu e dos rumannan Sofia y Chiara Petrocchi a participa. Na e campeonato aki tabata tin 6 pais cu a participa cualnan tabata St. Maarten, Suriname, Frans Guyana, Curacao, Guyana y Aruba.
POLLXT_LOADING
