Dia 21 di april 2024, Miss Eco Aruba Jaimerlee de Meza a laga Aruba su nomber resona durante e ‘Resort Wear Competition’ di Miss Eco International.
Jaimerlee no ta un cara desconoci den e mundo di beyesa. Na aña 2016 Jaimerlee a logra conkista e titulo maximo di Miss Teen Aruba y awo ta competiendo pa e titulo maximo di ‘Miss Eco International’ 2024.
Miss Eco International, funda pa Dr. Amaal Rezk ta e certamen mas grandi di Medio Oriente y ta ocupa e di shete luga mundial. E certamen aki ta pa promove ‘Eco-Tourism’ y e metanan cu e Desaroyo Sostenibel di Nacionnan Uni pa aña 2030.
E aña aki 48 pais ta competi den e certamen di beyesa aki y Aruba sa di resalta den e prome competencia caba. Nos ta felicita srta. Jaimerlee de Meza cu e logro aki.
Aruba, un isla chikito riba mapa pero no tin nada pa kibr’e!
