Tin diferente desaroyo ta tumando luga pa loke ta trata e pasangrahan na Boneiro. E pasangrahan ta e edificio caminda cu gobernacion di Boneiro, como tambe e miembronan di eilandsraad ta ubica.
Segun lider di fraccion di UPB, Benito Dirksz, den pasangrahan na Boneiro, nan ta ubica actualmente y nan tin hopi aña eyden. A bin algun renobacion di e tantisimonan haci caba. Segun Dirksz, e pasangrahan ta un trabao historico monumental y tin su mantencion cu e ta exigi. Esey, for di aña pasa tin varios compania cu ta bezig cu e parti di restauracion.
A ripara cu e edificio, esta e parti ariba, ta practicamente cla, cual ta uzando. Pero e parti abao, caminda e fraccionnan ta sinta normalmente, no ta cla. Esey ta encera cu ta haciendo uzo di un otro luga temporal pa por eherce trabao di eilandsraad den e fraccionnan cu ta reuni pafo di e oranan di trabao.
Pa UPB ta un sorpresa cu por a tende cu e contratista no a sigui cu e opdracht cu tabatin y no sa e motibo. P’esey a pidi pa e griffier busca informacion pa sa kico ta pasando realmente y tambe sa kico lo bay pasa y con ta sigui.
Manera ta conoci nan ta den un edificio temporal cu tambe ta costa cen y ta un tiki lamentabel cu nan no ta na altura kico ta pasando pa loke ta e parti di construccion, e paro di e trabao y con ta continua. Ta informacion cu e fraccion a pidi diabierna.
EDIFICIO NOBO
Dirksz a agrega cu tin hopi plan pendiente. Por a scucha diferente di nan. En berdad tin e pensamento pa un edificio central. Kico tin concretamente cu esey, no por a bisa, pasobra no a haya presentacion ey ainda como eilandsraad. Unda e luga ta tampoco, no por bisa. A menciona un stadion den e area ey. Plan tin, pero Dirksz no por bay den detaye pasobra no tin informacion concreto unda e luga lo bin sigur.
Pa mas lesa TREMPAN.
