Fin di siman no a ni cuminsa drechi, cu ya caba polis tabata tin nan mannan yen cu asina hopi asistencia.
Asina tambe, den careda di 9:25pm, a haya un informe di cu un auto, Hyunday color blanco cu nr. A-766 a bolter rib’e caminda di Hato y a bay cay den e greppel. Den e auto tabatin dos señora a bolter como cuater biaha y a bin cay den e reparticion di e caminda di Sasaki. Asina testigonan n’e sitio a declara.
Polis mesora a bay over na cera ambos banda di caminda pa trafico, p’asina por duna asistencia n’e dos señoranan cu tabata pega den e auto. a pidi presencia di Brandweer y tambe materiaalwagen pa por corta e auto y libera e dos señoranan aki.
Dos unidad di ambulance a presenta pa asina duna e prome asistencia n’e heridonan cu tabata pega den e auto.
E chauffeur di e auto tabata keha di dolor na su nek.
