Diana Kroon, miembro di Comision Herencia Cultural a cuminsa na bisa cu e luna cultural a cuminsa c’un actividad bunita unda cu e cuater skinanan di Rincon ta topa otro y a cende e mecha. Esey tabata e inicio di e luna cultural di Boneiro, cu a transcuri cu diferente actividadnan cultural y ta bayendo pa culmina cu e celebracion Dia di Rincon.
Celebracion Dia di Rincon a cuminsa riba 30 di april 1989, cu e meta di uni e hendenan den bario, principalmente. Pero tambe celebra den union un manifestacion cultural, unda cu ta trece e folklore, tradicion y custumber di antes, rebiba nan pa e jongnan cera conoci cu ne, pero tambe e grandinan.
E trabounan di pasado, trece nan den presente pa e jongnan conoce nan. Y awe por wak bek riba un celebracion cu a bira indispensabel den Reino Hulandes.
Rib’e dia aki ta caminda cu ta haya bo cu mainta trempan, ta cumisna cu e ceremonia di misa, pa gradici y pidi pa e dia cana bon. Despues ta bay over na hisamento di e bandera gigante.
Tin tambe e desfile unda cu ta bay na plasa Commerce pa e acto protocolario, cu tur e invitadonan den Reino.
Lo tin tambe shete stage den henter e bario, den rondo di Rincon, cu lo tin actividadnan riba nan. Riba e escenario aki lo haya musica crioyo, declamacion, gruponan di baile cu ta bin for di e otro islanan cu ta bin pa presenta. Tambe bandanan crioyo di Corsou y Aruba tambe lo duna presentacion.
Ainda tin varios actividad prome cu e dia grandi di celebracion di Dia di Rincon.
