Honeypot tabata na Rijswijk Hulanda pa e celebracion di Arubadag 2024. Aki nan a sa di duna un tremendo presentacion. Pero awo cu e celebracion di Arubadag a pasa, Honeypot no a sinta keto.
Nan ta sigui cu e racha di bin cu tema nobo y original. E temanan nobo ta componi, aregla y canta pa Chayo Tromp.
Un di e canticanan nobo ta “Waiting for your love” y tin su video clip nobo nobo. E cantica aki ya caba ta riba puesto #1 na nos radionan emisora local. E cantica aki ta riba e album nobo cu pronto Honeypot lo saca.
Tur fiel fanatico di Honeypot cora di keda pidi p’e tema aki na nos emisoranan y share e video pa asina engrandec’e. Ban sigui duna aporte na nos musiconan local, pero tambe na nos musica original.
