Mañan tanto Hulanda como e islanan di Reino Hulandes ta di celebracion, pasobra Rey Willem-Alexander ta cumpli 57 aña. Desde cu el a subi trono, despues di abdicacion di Prinses Beatrix, ta celebra Dia di Rey dia 27 di april, cual ta e fecha di nacemento di Rey Willem-Alexander.
E islanan di Reino Hulandes tambe ta celebra e dia aki. Na Aruba un di e camindanan cu por nota decoracion haci pa celebra e fecha aki ta n’e rotonde banda di aeropuerto. A hisa e banderanan di tanto Aruba como Hulanda, pero tambe a pone un lintje color oranje. Di e forma aki Aruba ta mustra cu e ta forma parti di e celebracion pa e cumpleaños di Rey Willem-Alexander.
