Diabierna anochi a drenta un informe cu lo tin un turista lo a bira malo riba catamaran, net dilanti di MooMba Beach.
A bin resulta cu e turista en cuestion lo tabata bou di influencia di alcohol, cu e lo a cay dal su cabes den e catamaran y a bay for di tino. Door di esaki hopi di esunnan riba e catamaran a drenta den panico y a pensa lo peor.
Informe recopila n’e sitio ta indica cu e suceso a tuma luga na Arashi y a bin mara n’e pier di Hadicurari, patras di MooMba Beach.
Polis di Noord a presenta n’e sitio como tambe unidad di ambulance pa duna e prome auxilio n’e bishitante di nos isla.
Un caso di intoxicacion cu alcohol cu por tabatin consecuencia fatal.
