Wardacosta Corsou a confisca cantidad di arma y droga riba lancha

3633

Un Metal Shark interceptor di Wardacosta awe den oranan tempran di mainta a intercepta cerca di Corsou un  boto cu material di contrabanda.

Riba radar Rescue Coordination Center (RCC) di Wardacosta a constata un boto cu a yega cerca di un otro nave biniendo for di Corsou. Despues di encuentro entre e dos botonan aki, un a bolbe cu velocidad halto direccion di Venezuela y e otro tabata trata di yega Corsou bek sin cu e ta wordo nota.

RCC a manda un Metal Shark di Wardacosta Corsou na e punto señala. Tripulantenan di Metal Shark a topa cu un boto chikito local cu cuatro persona abordo (dos Curasoleño, 1 Colombiano y un Venezolano) y 11 bulto. Den e paketenan chikito den e bultonan a haya substancia parecido na droga y armanan di candela.