Servicio Meteorologico a anuncia cu e perturbacion cu a bin ta causa shelo hopi nubla, awasero intenso, compaña pa lamper y strena riba e islanan ABC, lo sigui den e region durante e proximo dianan. E pronostico aki ta indica e posibilidad pa mas awasero, lamper y strena, specialmente den e areanan cu sa tin problema di inundacion.
For di e prome oranan di mainta, awasero intenso a bin ta cay riba e parti west di Corsou, specialmente den e zona di Bandabou. Awasero a bin ta asina intenso cu a acumula mas di 50 mm di awa den algun area, provocando inundacion na luga manera Sta. Cruz, Lagun, Tera Kòrá, Barber y Pannekoek. Debi na esaki, a emiti un Codigo Oraño p’e zona aki, indicando e posibilidad di mas awasero fuerte y posibel inundacion.
Polis y e ekiponan di emergencia ta den alerta y ya mester a asisti na un famia na Hòfi Mango. Tambe ta supervisando e condicionnan di e damnan den e zona pa garantisa e siguridad di e habitantenan. Aunke Servicio Meteorologico a pronostica un nivel halto di awasero, e grado di acumulacion y su duracion ta causando problema serio na Bandabou y otro area di Corsou. Un video riba YouTube ta mustra e gravedad di e situacion, caminda cu por a mira e intensidad di e clima y su efectonan.
Servicio Meteorologico a adverti cu awasero lo sigui y por intensifica durante e proximo dianan. Codigo Oraño lo extende awo riba henter e isla di Corsou y ta pidi n’e poblacion pa tuma precaucion adicional. Ta recomenda evita area di nivel abao y e zonanan cu ta conoci caba pa ti inundacion, como tambe limita pa mobilisa riba caminda y caya afecta pa awa. E beachnan di e parti west di Corsou tambe mester evita debi n’e coriente fuerte y posibel movemento di tera.
E Crisis Team a bin ta reuni na Forti pa monitor e situacion y tuma medida adicional segun ta necesario. Ta pidi pa tur hende sigui e update di Servicio Meteorologico pa ta informa riba e areanan mas propenso na mas awasero y inundacion. Mirando e scenario aki, ta crucial cu e habitante y e bishitantenan tuma medida pa proteha nan mes, nan hogar, bario, famia y e mascotanan.
