Diaranson ta un dia hopi importante, pasobra Parlamento di Aruba ta bay trata e ley di matrimonio di mesun sexo. Den comunidad e topico aki a trece division, pero partido RAIZ tin e confiansa cu e ley aki lo ta aproba. Di otro banda prome minister a expresa di prefera warda decision di casacion riba e ley di matrimonio di mesun sexo.
Ursell Arends, Minister di Integridad, a indica cu den conferencia di prensa cu ta aña 2024 y tur hende tin derecho. E ta kere cu unabes aproba e ley aki, esey ta e prome stap pa crea harmonia den comunidad. Esey ta e forma con RAIZ ta mira esey.
Na Ingles ta bisa love is love y amor no tin color ni religion. Tampoco tanto gobierno como parlamento por impedi pa un persona scoge ken e ta stima of ken e ta scoge pa forma un bida cu ne. E mandatario ta kere cu esey ta derecho di cada ser humano. Diaranson e decision ta den man di e organo mas halto di Aruba, esta parlamento, con ta cuminsa duna derecho, reconoce derecho di cada ciudadano cu ta forma parti di comunidad.
Harmonia ta ora no solamente ta reconoce naturalesa, ta duna naturalesa e balor necesario. Pero harmonia ta tambe cu ta reconoce derecho di cada ciudadano cu ta forma parti di comunidad. Asina ey ta duna nan e espacio pa dicidi ken nan ta stima y cu ken nan kier forma un futuro.
Pa mas lesa TREMPAN.COM.
