E mundo cu nos conoce lo bay conoce un cambio pa miho, paso pocopoco pero sigur mundo a lanta for di soño pa locual cu ta trata e Sustainable Development Goals e agenda 2030. E
E ta un agenda globalista cu mester a pone mundo henter bao di e gobierno mundial. E ta un agenda socialista y pueblonan rond mundo ta mira cu e ta puro gañamento paso con bunita e ta hinca den otro teoreticamente pero den practica e ta pa kita libertad di pueblo. E Sustainable Development Goals ta responsabel pa e pandemia paso tur esaki tabata den plan pa hinca mundo den panico pa despues bin cu e vacuna cu yen di engaño y cu awe ta desastroso pa salud di hende. No por papia di un pandemia sino di un arma biologico. Pa medio di spanto a lockdown henter mundo. E lockdown aki a kibra economia di hopi pais. Awe nos mes ta sufri consecuencia di e lockdown.
World Health Organisacion kier a haya e poder absoluto den su man pero paisnan a para contra di duna e organisacion aki e poder despues di e evento di e pandemia. E plan di Sustainable Development Goals ta pa baha e poblacion di mundo. E plan ta existi pa hopi tempo caba. El a wordo plania y a cuminsa bao di e agenda 21 cu na 2015 a bira e agenda 2030. Gobiernonan rond mundo tabata na altura con e plan di agenda 2030 lo mester a wordo introduci y wordo premia. Nan a ricibi beneficio financiero for di pcr test, e tapaboca y e vacuna mes. Despues cu Barry Young di New Zealand a saca informacion riba e cantidad di hendenan cu ta fayece pa via di e vacuna aki, mas pais a haya curashi pa comparti tambe nan dato riba aumento di hendenan cu ta fayece. Autopsia ta comproba cu e vacuna ta causante di morto. Oncologo Fukushima di Hapon ta describi un caso con e curason di mucha homber cu anteriormente tabata tin un bon salud, despues di 5 dia di a ricibi di 2 vacuna Pfizer a fayece. E oncologo Hapones Fukushima ta considera e cos aki un crimen. E autopsia ta bisa cu e persona a muri di myocarditis. Hopi informacion tin pero tin big tech cu ta blokia tur informacion cu ta contra e companianan manera Pfizer, Moderna, Johnson y AzraZeneca. E supuesto vacuna no tabata e negoshi lucrativo sino e efectonan secundario causa pa e vacuna cu a costa mas cu 500 biyon di dollar.
Nos por mira cu bida di hende no tin balor den man di organisacionnan cu kier mata mas hopi hende possible y asina baha e poblacion mundial. Sustainable Development Goals, World Health Organisation y World Economic Forum cu su lema ta “lo bo no tin nada y lo bo ta contento” ta bonchinan den un baliña. E organisacionnan aki no kier pa nos come carni y tampoco planta paso e ta malo pa e clima. Aki na Aruba tur instancia a keda keto riba e aumento di hendenan cu ta fayece cu ta mas o menos 23% y laga nos pidi Dios pa e no sigui aumenta. Si nos mira con nos grandinan ta wordo trata pa nos gobierno ta hopi tristo. Costo di bida ta asina halto cu nos grandinan tin cu lucha pa sobrevivi. Un solo pensioen di SBV no ta yega ni pa nan tin un bida digno despues di a contribui asina hopi aña pa desaroyo di nos isla. Riba dje nan mester paga pa nan propio remedi. Esunnan sin trabao y esunnan cu tin cu biba di un onderstand pio ainda. E situacion ta birando mas pio cada dia cu pasa paso prijs di cuminda ta subi. Economia mundial ta bay collapse y nos aki na Aruba lo sintie. Lo bay tin escasez di cuminda. E sistema di internet lo cay y e ora ey bo lo no por swipe ni lanta placa.
E organisacion cu ta tras di e Sustainable Development Goals ta uno satanico cu kier kita nos libertad. Nos parlamentarionan supuestamente Cristian ta tene man cu enemigo di Dios paso e gobierno cu nan ta forma parti di dje ta apoya maldad. E huicio di Dios ta cuminsa na cas. Situacion ta bay bira duro pero nos mester pone nos mirada riba Señor e creador di e cielo y tera. Hesus ta nos ta Salbador no tin otro caminda. Sabiduria di hende a hiba Aruba den un debe financiero y solamente sabiduria di Dios lo saca nos for di e abismo cu nos ta. Partido Curpa ta e unico alternativa.
