Parlamentario Mc William: Kòrsou mester habri porta pa “digital nomads” trahadonan digital establesé na Kòrsou i krea un “Curaçao bon bini stay“

180

Kòrsou meskos ku otro islanan den Karibe ku ta dependé por parti di turismo, mester re-inventá su mes i habri porta pa “ nomads” ku ta personanan ku por ehersé nan trabou sin ku nan ta mara na un pais dor di hasi uso di plataformanan digital. Mirando kon bon Kòrsou a atendé COVID19 esaki por ta un tin balor agregá pa esnan ku ken bin disfrutá di nos solo, playa, kultura asina alabes laborá for di aki na Kòrsou i asina krea “ Curaçao bon bini stay”

Komo èks Minister di Desaroyo Ekonómiko ,sra Giselle Mc. William a hasi un petishon den  kuadro di “Red Tape, Red Carpet” pa duna personanan ku ta “kapitaalkrachtig” ku finansieramente ta fuerte ku ta residente Europeo/paisnan Schengen pèrmit pa por establesé komo residente na Kòrsou i asina kontribui na nos ekonomia. Esaki a keda aprobá den durante di ruenion di konseho di minister dia 20 di mei último. Pa esaki bira realidat mester bini un maneho di parti di Gobièrnu unda por inkluí òf mihó bisa ekspandé esaki pa “ digital nomads” di rònt mundu ku ta kumpli na sierto rekisitonan manera e residentenan di Europa /Paisnan Schengen.

Siman pasa Barbados a anunsiá e asina “Barbados welcome stamp “ku ta duna e “digital nomads” e posibilidat pa keda 12 luna den e  pais pa traha for di sinta riba playa, kamber di hotèl òf un kas di hür i asina yuda stimulá nan ekonomia ku mester keda konkretisá próksimamente. Kòrsou tambe tin e oportunidat di oro aki pa merkadeá esaki ku por ehèmpel un “Curaçao bon bini stay “sigur mirando e desaroyonan di post COVID19 di nos ekonomia i importansia di krea pila nan Ekonómiko nobo  Awor aki ta na Gobièrnu pa bini ku e maneho aki mas rápido posibel pa esaki i asina kuminsá ku kambionan den nos manera pa atendé ku imigrashon pa yuda boost nos ekonomia i krea kambionan positive.