Recientemente Papaya Ranch a organisa su Torneo Himno y Bandera di Bolas Criollas, cual por cierto tawata un exito rotundo unda tur ekipo a bataya fuerte y na final nos tawatin e maximo ganadornan di e dicho torneo mas tur ekipo cu a logra clasifica pa di 20Torneo Internacional na mei proximo.
Clasificadornan: Damas: Rolling Ball – Tira Malo Pega Bon – We are back – Headache – JB Stars – Basora – Jo Bolas – Jairo’s – Queen Bees y Papaya Ranch. Caballeros: Shotaz – Headache – Tira Malo Pega Bon – We are back – Rolling Ball – JB Stars – Biba Dushi – Querendones – Setar – Basora – Jairo’s y Papaya Ranch. Papaya Ranch, como representante/organisador pa Aruba di Torneo Internacional di Bolas Criollas den Caribe tin e honor di organisa su di XX Torneo Internacional dianan 10, 11 y 12 di mei 2018 cu participacion di Boneiro, Korsou y Aruba riba canchanan di Papaya Ranch.
Pa medio di esaki Papaya Ranch ta invita tur ekipo pa un anochi informativo riba diaranson 2 mei 2018 pa 8:00pm na Papaya Ranch. Alavez Papaya Ranch ta recorda tur ekipo pa entrena durante ultimo siman nan pa asina duna bon batalla durante torneo. Pa mas informacion por yama Lubert Feliciano na 5934345 (despues di 5or) of manda un email na [email protected].
