Den presencia di su excelencia minister di justicia, sr. mr. Andin Bikker, directrice di Voogdijraad sra. drs. Aisca Berkemeyer y su coleganan como tambe miembronan di Prensa, Yrausquin, agente exclusivo di Ford na Aruba, a entrega na Directie Voogdijraad 4 autonan Ford Figo.
Voogdijraad tawata tin cierto rekisitonan cu e autonan aki mester a cumpli cu nan pa nan ta adequa. E motibo mas importante cu a e dicidi di kies pa e autonan aki ta e seguridad. Seguridad riba caminda ta importante pa e personal di Voogdijraad como tambe e muchanan cu nan ta transporta. E Ford Figo ta bin equipa cu, side impact door beams, Driver & Passenger Airbags, Immobilizer y ABS with ESP. Como parti di e seguridad di e muchanan Yrausquin ta regala 2 ‘car seats’ cu sistema ‘latch’ y 2 ‘seat boosters’.
Un di e otro motibonan pakiko a dicidi di kies pa e autonan Ford ta e durabilidad y calidad cu e marka di Ford ta renombra pe. Además e motor 1.5L 4 cylinder ta económico den consumo di gasolin. “Pa mas cu 65 anja Yrausquin, agente exclusivo di Ford na Aruba, ta mantene e comunidad di Aruba mobiel y awo nos na Yrausquin ta sumamente orguyoso cu Directie Voogdijraad tambe a bira parti di nos famia.”, Christina Yrausquin, Gerente di Benta di Yrausquin ta remarka.
Prome cu revela e autonan Christina Yrausquin a introduci algún personanan importante cu Directie Voogdijraad lo tin contacto cune durante e periodo di lease: Marcilla Yrausquin, Representante di Fleet & Lease, Richard Every, Gerente di Body Shop y por ultimo pero no menos importante, Elizabeth Yarzagaray, Gerente di BDC, e persona cu ta tras di e After Sales team pa coordina tur afspraaknan y mas.
