Diasabra marduga, den careda di 1:00 am, polis a acudi na Tanki Leendert caminda cu un KIA colo blanco, matricula A-46386 aparentemente mobilisando riba velocidad halto, a dal contra di un Toyota Yaris colo preto, numera A-70788. E impacto a causa daño significativo n’e Yaris.
Polis a tuma dato di ambos chauffeur, p’asina documenta e accidente y Forensys tambe a yega pa recopila evidencia y realisa un inspeccion detaya di e luga.
