Diadomingo mainta pa mas o menos 6:05 central di polis ta haya informacion di un accidente cu a tuma lugar na altura di MotorWorld riba e caminda di Camacuri.
E prome informe ta cu un auto lo mester a bolter y tin un persona pega bao di e vehiculo.
E prome patruya a yega na e sitio y ta constata cu tin un persona pega bao di e auto, cu ta un Nissan Cube preto numera A-61366.
A pidi ambulance cu maximo urgencia na e sitio mirando e situacion di e victima (chauffeur). Lamentabelmente no por a haci nada mas pa e victima.
Pa 7:10 dr Texier ta constata morto di e chauffeur Reina Rosalinda Caroline Roga, naci na Aruba 22 september 1990 (33 aña).
Na e sitio a presenta specialista di trafico como tambe polis tecnico pa asina por haci nan investigacion.
Departamento di Slachtofferhulp tambe a presenta pa duna e famia asistencia.
Na famia di e fayecido ta bay palabra di condolencia.