Mike Eman ta lamenta e forma negativo di aserca e continuidad di e proyectonan MFA, “pasobra cada Gobierno tin e responsabilidad pa continua cu progreso di nos pais”.
Esaki, e ta bisa loke cu nan di AVP a haci ora cu a drenta Gobierno y a sigui cu otro fase pa reparticion e bienes den un forma mas husto pa cu e ciudadanonan. Pa esnan di menos recurso por comparti di e prosperidad di Aruba pa cual a bini cu reparatie-toeslag, aumento di bijstand, schoolkinderentoeslag, trayecto di Formacion Social, renobacion y ampliacion di hospital, mudamento di Containerhave, Green Corridor, Watty Vos Boulevard.
“Ta trata di proyectonan sumamente importante cu pa añanan largo no a wordo desaroya, pero si a papia di dje. Nos a bini, nos no a papia di kico e Gobierno a laga haci of no. Ora nos a drenta Gobernacion no tabatin cen pa traha nada. Pero nos a sinta na mesa cu e partnernan, SOGA, y a haci posibel pa construi waf, pa traha un seccion pa hospital, pa construi un haf nobo, pa traha Green Corridor y Watty Vos Boulevard. Esey ta e trabou di un Gobierno.
Mi ta kere cu e Gobernacion aki ta stanca den un periodo di polarisacion ainda, ta blo mira atras y no ta mira cu tin hopi oportunidad pa Aruba por sigui crece y sigui desaroya, pero cu un mentalidad positivo, cu un mentalidad di construi y no destrui, y no un mentalidad di purba keda tira culpa cada bes riba e Gobierno anterior. Asumi bo responsabilidad y traha pa futuro di e pais aki. Esey lamentablemente no ta mira den e pida di e trayecto di MFA cu falta ta mira e actitud di no kier gara e reto y cana e caminda cu mester cana. E concepto di ley ta cla y ta Parlamento e mester bay. Esey no ta wordo haci door di e Gobierno aki tampoco.”
Ex Prome Minister Mike Eman den un declaracion duna ta bisa cu e no ta compronde con Gobierno no por busca e forma pa pone e capital necesario pa caba cu e proyecto di MFA, mientras cu si ta busca forma pa un Minister haya un 20 miyon florin adicional, pero sin splica pakico e ta destina. P’esey e ta spera cu banda di e weganan politiconan cu tin, lo por tin tambe e seriedad necesario pa continua cu cosnan hopi importante cu comunidad mester di nan.
Attachments area
