Den careda di 3:30 am, polis tabata presente n’e rotonde cerca di Fatum na Eagle pa un accidente.
Aki un chauffeur femenino cu tabata maneha un jeep colo blanco numera A-41823, a subi rotonde sin paga tino y a bay pega tras di un taxista cu tabata mobilisa riba e rotonde. E no a haci e reparticion manera mester ta, cu e consecuencia cu e persona a bay dal tras di e taxista.
Polis a pone e chauffeur femenino supla, y a sali na cla cu el a surpasa e cantidad limite permiti den ley.
Transporte policial a presenta tambe, p’asina hiba e chauffeur pa ward’i polis, unda cu el a keda presenta dilanti sub-fiscal, unda cu e mester a duna cuenta riba su comportacion den trafico, manehando auto bao infuencia di alcohol.
Roadservice tabata na e sitio p’a tuma dato di e accidente. Daño material causa tabata minimo.
