Diasabra anochi alrededor di 8:30 pm polis a presenta cu urgencia den parkeerplaats di Renaissance Ocean Suites p’un caso serio.
Na prome instante a papia cu un hoben ta hinca y cu e mester di atencion medico cu urgencia. No a dura mucho cu polis mes a cuminsa puntra rond y a ricibi mas informacion.
No ta trata di hincamento manera a indica na prome instante sino aki di un caso di tiramento. E hoben herida tabatin herida na curpa pero no perforacion. Por lo menos un testigo a conta cu tres guy tabata core su tras y for di 50 meter leu a los tiro riba dje.
Na e piso mas abou di e hotel a topa cu perforacion n’un glas. Ta sospecha cu ta trata aki di un skopet di aire, pero no por confirma nada ainda.
https://www.facebook.com/24ora/videos/394661196818415
A notifica recherche, ekipo forensico di e caso y lo sigui cu e proceso investigativo.