Riba un dia asina special manera Pasco, por lo menos un pareha a pas’e den rabia, odio y agresion. Boliviastraat 33 ta unda polis a presenta cu urgencia p’un caso di kiebro den cas. Un ruman muhe a haya problema formal cu su pareha. A haya un discusion formal. E ruman muhe a flip y a cuminsa kibra tur cos den cas. E miembronan di famia den cas a bati alarma mesora na polis. Na yegada di polis, a tarda pa nan por compronde kico exacto a sosode.
Despues di basta rato a logra compronde kico a pasa. E tabata grita y ofende e polisnan. Debi na su comportacion, a opta pa bay over mesora n’e proceso di detencion. E sospechoso a bisa e polis; cu su tanta ta comisario y pa wak nan para stret ora e conta su tanta con e polisnan a trat’e. E polisnan no a ria pa su blof y a trat’e manera ta trata tur otro detenido. E situacion ta uno toxico y mal vibra pa e cas, pasobra tin un baby chikito a experencia henter e drama aki. Por lo menos pa algun ora lo tin paz den cas te ora e detenido sali.
