Si e chauffeur a logra sali ileso den e accidente aki esey ta nos deseo. Pero despues di e accidente y na yegada di polis a busca den awa y den e auto sin por haya nada. Bomberonan tambe a presenta. E informacion a drenta cu tin un accidente pisa riba SasakiWeg. Superfood direccion Palm Beach y net prome cu e rotonde.
Polis a yega mesora y topa cu e Lexus color blanco A-37979 cu cuater wiel pa laira y den e awa entre e dos camindanan di Sasakiweg. Polis no a bacila y a drenta awa pa mira si tin hende den e auto. A kibra glas pero nan no por a mira bon. A dal un grito pero no a haya contesta. Ekipo di rescate tabata necesario. Na yegada a corta porta y no a topa hende. Djey a lanta e auto y tampoco a topa hende. A coba varios caminda den e awa sin topa hende. A pidi takelwagen y sac e auto for di awa. Despues di caso un ora buscando no a topa nada. Ningun hende a meld tampoco cu nan tabata den e auto. Polis di trafico a presenta y haci investigacion. Dos ambulance a presenta y keda standby si topa cu un persona cu mester yudansa. Trafico a pega hopi eybanda. Autonan tabata slow pa asina chauffeurnan haci kaweta. A confisca e auto pendiente investigacion.
