Evidia y jaloezie no ta cos di awe , nos por mira den Beibel den Genesis capitulo 4 Cain ta mata Abel pa motibo di envidia / jaloers.
Jose a wordo bendi pa su rumannan pa motibo di i envidia /jaloers Genesis 37 .
Saul kier mata David pa envidia/ Jaloers 1 Samuel 23;15 y 24;22.
Raquel y Lea den Genesis 30 :1 . Y wak nan yiunan esey ta nifica cu envidia ta heredabel/ transferibel..
Marco capitulo 15:10 Hesus tabata sa di e envidia di e saserdotenan farizeo.
Hecjhos 5:17 : E apostelmam ta wordo persigi pa motibo di envidia / jaloers.
Kico ta envidia? Envidia ta un mal spirito, envidia ta pica, enviidia ta pone hende keda din aprecia locual Dios a duna nan y cuminsa desea cos di otro, den un palabraa bisa : Hende envidioso ta un persona malagradecido. Envidia ta bira amargura y amargura ta bira Odio.
Envidia / jaloers ta trece odio y nos tur sa kico Señor ta bisa den 1 Juan 3 vers 15.
Pero awor conta cu envidia/ jaloers den famia awendia e a mengua of e a crece?
Pasobra tin hopi violencia domestico pa motibo di envidia/ jaloers, tin hopi hende ta haci dimas y bisa cu nan esposo(a) ta haci jaloers y caba ta nan no ta respeta nan matrimonio y nan yiunan.
Tin hopi hende tin nan prohimo dilanti di juez y nan sa masha bon cu locual nan ta bringa pe, nan no tin derecho riba dje.
Tin hopi ta cana caminda di maldad y bruheria y traicion pa deseo di otro su posicion na trabao of pa un puesto cu nunca na tabata capacita pa yega na dje.
Proverbio 14:30 ta bisa : Un curazon trankil ta bida pa e curpa, ma envidia ta putrimento di weso.
Tur caminda tin hende ta papia di “Haters” pero tin hende ta inventa cu nan tin haters pa asina hunga interesante.
Envidioso di mas grandi ta e diabel, pasobra e ta envidia tur esnan cu ta busca Dios pasobra e diabel sa cu e no por drenta cielo, mientras cu abo cu ta busca Dios , si bo biba den santidad y amor na Señor abo si lo drenta ora Cristo bin busca su pueblo. 1 Tesalonisenses capitulo 4 vers 16—18.
Hopi hende ta kere cu ora nan ta envidioso nan ta sabi ,sabiduria no tin nada di haber cu envidia segun Santiago 3:14 cual ta cisa claramente : Si boso tin envidia amargo y egoismo den boso curazon , no sea arogante , y gaña contra e berdad , e sabiduria aki no ta bini di ariba.
Con envidia por wordo cura? Romanos 12:10 ta bisa , stima otro cu amor fraternal y duna preferencia na otro den honor. 1 Pedro 5:6 ta bisa: Humilia boso mes anto bao di e man poderoso di Dios , y E por halsa boso na e tempo apropia. Stop di compara bo mes cu otro, y wak tur cos como un regalo di Dios. Dios a crea bo cu bo propio don y talento, bo no tin mester di envidia, ni copia otro, bo por ta autentico. Dios tene misericordia.
