Taxistanan ta alerta pa dollar falso den circulacion. Segun e taxistanan, ta trata di un adres conoci na Koyari unda tin un grupo di turista ta hospeda. Ya caba nan a bay bati na porta di autoridad. Mesun momento a manda e mensahe rond pa tur otro colega pa ta alerta pa e adres na Koyari.
E papelnan di 10 dollar ta loke ta falso. E alerta ta pa evita cu otro taxistanan tambe ta keda perhudica pa e mesun grupo.
Ta bon tambe pa den e dianan aki e comerciantenan ta mas atento pa e grupo aki cu ta pagando cu 10 dollar falso.
