IBiSA manera semper tin diferente actividad di deporte y movecion. E biaha aki a bin cu algo diferente pa comunidad.
Segun Junior Dake, aworaki lo bay bin cu e torneo di trefbal pa bario. A dicidi pa haci un try-out y organisa pa prome biaha trefbal den bario. Un na San Nicolas como tambe na Santa Cruz y na Noord.
Lo bay tin un torneo entre e barionan, caminda lo ta un Copa Rotativo.
Dinamica di e wega ta cu tin un bala cu ta tir’e otro banda. Si dal e hungado y e bala cay, e otro partido a gana.
E torneo aki lo ta na IBiSA San Nicolas (San Nicolas Sport Center), na Santa Cruz e lo ta Compleho Deportivo Libertador Betico Croes y na Noord, e lo ta na Compleho Deportivo Frans Figaroa.
Dake a splica cu por subi pagina di Facebook di IBiSA Aruba, caminda cu por click riba e link riba e album di IBiSA Dodgeball, unda cu por registra. Por cera sea un team full di mucha muhe of di mucha homber.
E competencia aki lo tuma luga dia 3 di december y e lo ta entre hobennan di 13 pa 17 aña. E campeon di cada districto lo participa na e final dia 10 di december cuminsando di 3:30 pm te cu 5:30 pm.
Pa mas informacion adicional por tuma contacto cu e coordinado di e respectivo districtonan:
Noord: Candy Peña 699-2938
Santa Cruz: Chisliane Stamper 699-2933
San Nicolas: Gerro Koolman 699-2900
of manda un e-mail na [email protected].
