E di seis edicion di “Long Table Aruba”, organisa pa Wind Creek Aruba, ta bek pa un solo anochi, e unico mesa di cena di mas largo completamente blanco cu un balor di $50,000 pa Aruba.
E evento di e aña aki lo tuma luga diadomingo dia 9 di juni y lo conta cu un set-up di un mesa largo di 1000 pia, prepara pa 1000 invitado bisti na blanco riba L.G Smith Boulevard dilanti Renaissance Wind Creek Aruba Resort. Tickets di entrada lo ta $50 y lo por reserva online desde diabierna 10 di mei, pa exactamente 10:00 am!
Sigura bo ticket bishitando www.renarubaevents.com cuminsando for di 10:00 am diabierna, 10 di mei. Por fabor, tene cuenta cu cada persona por cumpra un minimo di dos ticket, cu un limite maximo di 10 ticket pa persona.
Desde aña 2017, Long Table Aruba a recauda mas di $285,000 pa organisacionnan local y ta un evento sumamente importante pa Wind Creek na Aruba.
“Nos ta compronde e importancia di conecta cu e comunidad y nos ta desea di sostene organisacionnan local na e manera cu lo realmente ta beneficia e comunidad di Aruba,” asina Paul Gielen, Gerente General di Wind Creek Aruba a declara. E aña aki Wind Creek Aruba a cambia e proceso y a selecta 10 organisacion den comunidad activo y a invita nan pa participa. Cada un di e organisacionnan aki tin e tarea di crea un video impresionante, cu oportunidad pa gana un sosten financiero. E seleccion di e aña aki ta enfatisa door di e yudansa na nos grandi y sosten pa nos hobennan cu ta enfrenta circunstancia desafiante. Cu e focus pa renoba e bienestar den nos comunidad, Wind Creek Aruba ta compromete su mes pa haci un cambio y impacto den bida di esnan cu ta den nesesidad.
Manera aña pasa, comunidad di Aruba lo determina cua di e dies organisacionnan lo beneficia di e premio di e aña aki via un proceso di votacion online cu lo cuminsa dia 20 di mei venidero. Lo divulga mas informacion di esaki pronto. Haci un impacto den comunidad ta un principio di operacion di Wind Creek Aruba.
Paul Gielen ta continua “Nos ta sumamente orguyoso pa no solamente ofrece un experiencia excepcional pero alabes pa conecta cu e pioneronan pa mira con y kico mas lo por haci pa sostene nan metanan. Nos ta sinti nos mes honra pa por ofrece e pueblo di Aruba un anochi inolvidabel unda nos ta duna bek y celebra hunto cu nos comunidad.
