Hebreunan Capitulo 4:16 ta bisa: “P’esey laga nos acerca e trono di gracia cu confiansa, pa nos ricibi misericordia y haya gracia pa a yuda den tempo di necesidad.
Di berdad, di berdad nos mester acerca e trono di Dios cu confiansa, pasobra ta solamente Dios por yuda nos y solamente Dios sa kico tin na caminda.
Nos ta bibando den un tempo di Terorismo Biologico, locual antes tabata haci via di bom, explosion humano, tumbamento di avion, bulamento di edificio, aworaki ta haci biologicamente, pensando cu asina por haci mas daño. Haciendo mas hende bira malo, debilita tur economia, causa miedo y panico den henter mundo. Pone hopi hende perde trabao y por ultimo causa un tension grandi cu por hiba hende na malesa mental.
Dicon? Pasobra e transporte y creacion di un virus no ta hala asina tanto atencion, manera transporte di arma of explosivo. Y si nos wak bon antes e grupo terorista tabata identifica nan mes despues di cada atentado. Pero aworaki ningun hende ta sali como responsabel pa locual nan ta haciendo.
Tur cos ta mustra den direccion di un grupo terorista poderoso financieramente, cu tin top biologonan hopi sabi den servicio cu kier tuma control riba mundo. Dios tene misericordia di tur esunnan cu ta apoya nan y cu haci manera nan no sa locual cu nan ta haci.
Pero den tur esaki, nos Dios ta keto bay riba su trono y su yiu Cristo Hesus ta sinta na su man drechi.
Y como yiu di Dios laba den e sanger di Cristo Hesus nos tin entrada na su trono di gracia. Pasobra den e momentonan aki ta solamente Dios ta nos defensa. pasobra den Dios nos tin confiansa (Isaias Capitulo 26:3 y 4) cu mescos cu Hesus a para e tormenta riba lama (Marco Capitulo 4:39). E por para e virus aki completamente.
Un no tin nada cu por sosode riba e mundo aki, cu Dios no tin control di dje. No lubida cuanto bes Hesus a bisa nos pa no tene miedo pasobra el a vence mundo y si nos tin fe nos tambe por haci oracion den Su nomber y nos Tata cu ta den shelo lo scucha y lo actua na nos fabor.
Ora teroristanan ta haci uzo di tur clase di media, pa sembra miedo y panico. Nos ta busca e cara di Dios, pa duna nos proteccion. (2 Cronicas Capitulo 7:14 y 15).
Tene cuenta cu cada bes cu abo Like & Share un noticia negativo, bo ta parti di esunnan cu ta sembra miedo.
Mateo capitulo 24 ta avisa nos di tur e cosnan cu ta bay sosode y cu ta demostra cu nos Rey Cristo Hesus ta na caminda.
Pero den Lucas capitulo 21:36 ta para skirbi: “Ma sea alerta tur ora bay, haciendo oracion pa boso por tin forsa pa scapa di tur e cosnan aki cu ta bay tuma luga y para dilanti di e yiu di hende.”
Awe mas cu nunca laga nos acerca e trono di Dios.
Skirbi pa pastoor Marcel Balootje
