Grupo Melodia ta cla pa diasabra awor 24 di November presenta den Aruba New Chinese Club cu nan repertorio musical di fin di aña. E concierto aki lo cuminsa pa 7:30pm cu presentacion di e grupo Rondalla Universo di Aruba cu no ta desconoci tampoco.
Rondalla Universo di Aruba ta un grupo grandi di guitaristanan cu lo toca y canta diferente canticanan cu sigur tur presente lo por canta hunto cu nan mirando nan repertorio clasico y sigur den e ambiente di fin di aña.
Tambe lo bai tin actuacion di e grupo di baile “Gucci Dancers” bou direccion di Rene Kock cu sigur lo no por falta den e show aki.
Despues lo cera e concierto aki cu 2 ora di presentacion e grupo cu no mester introduccion cu ta “Melodia” cu nan repertorio asina varia cu sigur lo no laga ningun hende keda sinta. Despues di tanto preparacion nan tin un repertorio bon hinca den otro pa laga e publico pendiente pa cada cantica cu nan presenta.
Pa esnan cu no tin carchi ainda por yama 567 1664 of tambe 730 1214 y pidi bo carchi pa solamente 15 florin y dos mucha por drenta cu un carchi.
E biaha aki a scoge pa un luga cu mas capacidad asina cu lo bah tin carchi na porta tambe.
E concierto cu e nomber di “Fiesta den mi Pueblo” lo tin ambiente pa e pueblo y tambe cu su refreshment y co’i come pa un y tur. Den algun presentacion di e grupo aki semper a sa di laga tur hende cu gana pa scucha mas, asina ta no perde esaki cu e ambiente lo ta gartantisa y drenta den e ambiente pa fin di aña.
