Como parti di e preparacion pa e concierto di Dia di Mama, Un Atencion Special pa Mama, dia 12 di mei den WTC, den cual lo participa JEON & Boy Thode como artistanan principal y tambe Angelique Klooster y Semii Marten como supporting acts, JEON y Ike Jesurun a traha un produccion special titula MAMA. E cancion ta ser interpreta pa JEON y Boy Thode.
E cancion ta referi na tur e consehonan cu Mama ta duna un yiu durante di su hubentud y madurez y cu na final te conduci na un aprecio y gradicimento eterno di e yiu pa su Mama. Jeon ta yama “Mama danki pa guia mi, danki pa e conseho y zundranan, mas mi crece, mas mi comprende”. Boy ta conclui cu ta su Mama ta e fundeshi di bida, y su consenshi ta bis’e cu awor ta su deber pa cuid’e y stim’e. E cancion ta termina cu e frase: E orguyo di mas grandi ta mi Mama.
Durante di e evento di 12 di mei proximo JEON I Boy Thode lo presenta e piesa aki pa prome biaha bibo cu acompañamento di e orkesta di Dennis Aalse.
Por scucha e grabacion via YouTube y tambe via di e canalnan di Facebook di CAMS Events y Jeon.
Aki na Aruba por cumpra e carchinan pa entrada via www.cams-events.com