Ta riba mercado awo un composicion nobo di un persona di hopi talento, descubri pa e musico Sergio Tjie-A-Loi. E cancion ta titular “Lo mejor de Ti” y ta canta pa e hoben Algenis Stella. E cancion aki tin un toke special, esta cu e ta dirigi na e mamanan di Aruba, pero cu por wordo scucha henter aña.
Na un edad di 15 aña Sergio a escubri e talento aki naHulanda y a mira e abilidadnan cu e tabatatin riba tereno musical.
Añanan a transcuri y di un alumno Algenis a crece y bira e productor musical di Sergio Tjie-A-Loi. Composicion- y areglonan a sigui Sali for di su mannan, pero nunca e mes a hinca su mes den e spotlight como cantante.
“Pa mi ta sumamente emocionante pa ta un di e motornan tras di cortina pa duna Algenis Stella e empuhe musical pa e lansa su mes como cantante,” e músico Tjie-A-Loi a expresa.
“Lo mejor di Ti”, ta un produccion den cual Algenis Stella ta demostra cu e ta domina tur tereno cu bo tin mester pa yega na un produccion bon balansa.
A pesar cu lo lansa e produccion aki na un otro momento internacionalmente, el a permiti nos, pa e cancion wordo lansa na Aruba, Bonaire y Corsou, pa prome biaha!
Algenis Stella ta dedica su cancion: “Lo mejor de Ti”,na tur nos mamanan, cu tur dia ta brinda nos nan amor y dedicacion incansabelmente.