E futbolista internacional Portugues, Cristiano Ronaldo, a haci e test di COVID-19 y e resultado a bin bek positivo. Esey ta pone cu e lo no ta den seleccion di Portugual, cu lo hunga diaranson 14 di october contra Suecia.
Federacion Portuguesa di Futbol (FPF) a informa den un comunicado e test positivo di e hungado, “kende ta bon, no tin sintoma y ta den isolacion.” Despues di a resultado positivo di Ronaldo, e resto di hungadonan di e seleccion a haci e test awe y tur a sali negativo. No tin confirmacion cu Ronaldo a bandona Cidade do Futebol of a bay un otro destinacion.
E delantero di Juventus ta di tres hungado di Portugal cu a test positivo, despues di e casonan di e hungadonan Jose Fonte y Anthony Lopes. Dia 3 di october den e team a haya dos caso positivo di COVID-19 den e team di coach, pa cual motibo e hungadonan y resto di team tecnico mester a cumpli cu isolacion obligatorio segun Direccion General di Salud di Italia.
