Minister Charles Cooper a ricibi e studiantenan di Skol Avansá Integrá Humanista (SKAI VSBO) riba diamars 6 di december na su despacho riba Seru di Arrarat.
E studiantenan mester a traha un ‘werkstuk’ pa scol tocante gobernacion basa riba diferente punto, esta:
• Kico ta diferencia entre responsabilidatnan di un minister y un parlamentario,
• na ken e minister ta responsabilisa,
• na ken parlamento ta responsabilisa,
• ken ta Presidente di Parlamento y con ta scoge
• kico ta un fraccion den Parlamento,
• un bista breve di e historia for di antes ‘regeringsraad’ te cu awor cu tin un Conseho di Minister,
• dicon un minister mester tin su propio Gabinete, y
• kico un ‘kabinetschef’ ta haci.
Tabata un entrevista hopi ameno caminda a haya oportunidad pa comparti hopi informacion. Minister Cooper a desea e studiantenan aki hopi exito cu nan studio. Ta nan ta nos futuro y pa e motibo ey, Minister Cooper ta saca espacio pa por intercambia cu nan.
