E siman aki Aruba lo ta presente cu un delegacion tanto di Aruba Airports Authority como Aruba Toursim Authority (ATA) pa topa cu varios partner n’e Encuentro di Routes Americas 2024. E pronosticonan di IATA ta indica cu Noord America, Latino America y Caribe lo ricibi mas di 850 miyon pasahero pa 2040. Como e unico foro di desaroyo pa trece hunto henter e region Americano, Routes Americas 2024 lo mira cu e comunidad di aviacion ta impulsa su futuro servicio aereo e siman aki di 19-21 di maart na Bogota, Colombia.
E di 17 edicion di Routes Americas ta duna bonbini n’e vice-presidentenan y hefe di planificacion di red di 80 di e operadornan principal di e region. Den e evento lo tuma luga mas di tres mil reunion entre e partinan interesa di e aerolineanan y socio di aeropuerto y diferente nobo of existente y partner di destinacion. E reunionnan aki lo sigui pa establece servicio aereo nobo den e region y mundo. N’e reunion aki ta conta cu e aerolineanan cu no ta di region y algun di nan ta Emirates, KLM y Turkish Airlines, entre otro.
Shete CEO di aerolinea lo forma parti di e programa di Routes America. Hu8nto cu minister di gobierno, lider di asociacion y CEO como director di aeropuerto, e peso di industria lo describi e accionnan cu mester tuma p’e region alcansa su potencial. Patrocina pa Advance Aviation y Airbus, e conferencia lo atende cu diferente topico incluso e competitividad di aviacion den Caribe y e guia pa crece pa bira LCCs y ULCC den America. E lista di CEO y presidente ta inclui:
• Frederico Pedreira, director ehecutivo (CEO) y presidente di Avianca;
• Roberto Alvo, CEO di LATAM Airlines Group;
• Dave Davis, presidente di Sun Country Airlines.
E evento di e aña aki ta teni na Aeropuerto Internacional di El Dorado cu sosten di ProColombia. Door di e alocacion strategico, e aeropuerto ta actua como un gateway pa Colombia y Sur America, conectando e ciudad cu mas di 80 destinacion rond mundo, inclui den e comunidad di aviacion na Routes America 2024.
“Holding Routes Americas na Bogota ta mustra confiansa den nos habilidad ta trece hunto hende di e continente y mundo, forma dialogo, cooperacion y desaroya oportunidad nobo den e sector di aviacion. Pa El Dorado, e encuentro aki ta un plataforma incomparabel pa tur stakeholder di e industria pa traha hunto pa ta mas conecta, tin un futuro sostenibel cu experencia memorabel p’e biaheronan. E discusion y colaboracion den e proximo dianan lo significa contribui den crecemento y fortalece e aviacion den Colombia, America y mundo”, Natalí Leal, manager general di OPAIN, a indica.
Carmen Caballero, presidente di ProColombia, e entidad encarga di promove Colombia den exterior a bisa: “Routes America ta e foro di desaroyo di ruta mas importante di region, y e aña aki esey ta pone Bogota y Colombia riba e mapa mundial. Desde ProColombia nos ta orguyoso pa participa den e evento aki, pa mustra mundo tur maraviya cu e pais bunita aki por ofrece. Nos participacion ta mantene importancia significante como cu e ta sirbi como e arena ideal pa mustra e simia di futuro oportunidad pa ruta internacional nobo pa Colombia. Notabel ta, cu e anuncio reciente di Emirates ta establece su presencia na Colombia, un resultado directo pa nos envolvimento directo n’e eventonan di Routes. E logro aki ta un testimonio di storia di exito di ProColombia, hunto cu e lansamento di ruta nobo cu United Airlines di Houston pa Medellin. E narativo aki ta sigui evoluciona, yena cu e dedicacion di nos nacion.”
Steven Small, director di Routes, a bisa: “Latino America ta lanta como un region dinamico globalmente pa biahe aereo. Inversion den infrastructura pa satisface e demanda creciente a posiciona e Aeropuerto El Dorado como un centro importante y porta di entrada p’e region. Door di ta sede di Routes Americas, Bogota lo ta den e centro di combersacion cu lo defini e futuro conectividad aereo. Esunnan cu ta tuma decision di mas di 80 di e aerolineanan principal den e region lo ta testigo di e prome man di oportunidad importante di crecemento cu e ciudad y Colombia tin na fabor.”
