Royal Aruba Aloe ta celebra Dia di Himno y Bandera cu pueblo di Aruba door di tin su evento di Aruba Nos Orguyo 2024, unda desde mainta trempan te atardi tin ambiente. N’e evento aki nan tin diferente actividad pa grandi y mucha, pero tambe tin e prijs special di dollar pa florin.
Hopi hende a acudi na Royal Aruba Aloe pa disfruta di 18 di maart, no solamente p’e productonan pero tambe p’e ambiente di musica, cuminda y bendemento di paña di Comite Olimpico Aruba (COA).
Emilane Geerman, Marketing Royal Aruba Aloe, a indica cu n’e parti di cunucu a pone e actividad di Aruba Nos Orguyo 2024. Aki tin e cumindanan tipico, actividad ‘dollar to florin special’ den tur nan tienda. El a invita comunidad henter pa yega na Royal Aruba Aloe pa pasa un rato ameno. Tin suficiente cuminda, actividad pa mucha, tin sombra, tin cos di bebe.
Tambe tin presentacion di Shine Music como Rincon Boyz. Geerman a invita un y tur pa disfruta Dia di Himno y Bandera cu nan y specialmente di nan ‘dollar to florin special.’ E prijs special aki ta obtenibel awe so. E prijs special aki ta pa tur producto, mas cu claro dos pa tres producto no ta cay den e prijs special aki. Tur coleccion di habon, crema, producto pa cara ta cay den e special aki.
Tin yen di tent cu diferente cuminda tipico, manera Grape Leave cu su cuminda di pinchos, chef Leest cu stoba, Cushina di Tucu cu sanger yena, Island Grain cu koffie, Green Fish cu su ceviche y pisca hasa. Geerman a expresa cu tin cuminda pa tur hende, di carni pa seafood te tipico. Tambe tin e cosnan dushi.
N’e feria aki tambe tin oportunidad pa explora e parti di museo di e fabrica, pa planta y decora mata di aloe, por traha smile di aloe, wega local y hopi mas. Geerman a indica cu e museo ta habri desde 9:00 am te cu 5:00 pm. Royal Aruba Aloe ta e unico compania Rubiano den Caribe cu tin e nomber di Royal, cu tin e reconocemento royal.
Un dia pa aña ta organisa e ‘dollar to florin special’, unda bo tin e oportunidad di busca e habon, hidratante of loke bo mester. Esun cu no kier yega na Royal Aruba Aloe na Hato door di e drukte, por bishita un di e tiendanan di low rise te high rise hotel. Tur hende ta invita pa yega na Royal Aruba Aloe unda cu tin diferente actividad pa grandi y mucha.
Tur hende ta invita pa yega na Royal Aruba Aloe unda cu tin diferente actividad pa grandi y mucha.
