Gobierno no tabatin informacion nobo pa loke ta e cifranan y a keda na cero caso activo, pero si Prome Minister a papia di e fase nobo cu a drenta na vigor y kico falta ainda.
Despues di a reuni cu e directivanan di scol, entrante 8 di juni por habri completo, kleuter y basis, cu regla. “Muchanan por bay scol bek tur dia,” e mandatario a bisa. Esaki ta decisionnan tuma a base di siguridad y salud di muchanan y e situacion cu ta mustra cu ta sigur pa e muchanan bay scol bek.
Despues cu Fase 3 a drenta na vigor, ta prerando pa loke ta Fase 4 cu ta actividadnan publico, bishita na cas di grandinan, clubnan nocturno y frontera di Aruba. Pas loke ta aperura di frontera, no por menciona e fecha definitivo ainda.
Tambe e mandatario a papia di loke tabata e racha despues di Toque De Queda, apelando na tur hende pa corda mantene distancia, y no laga sushi atras manera a sosode den fin di siman. “Esey ta cosnan cu a desapuntami y preocupami. E pidi baranca aki ta nos tur mester fortifik’e.”
