Sportsz-4-U cu bautismo di nan uniform di ciclismo

Diasabra atardi a tuma luga bautismo di e uniform di e seccion di ciclismo di Sportsz-4-U na Community Pool, den presencia di e miembronan di e organisacion deportivo.

Glennon Eights a splica cu Sportsz-4-U ta un organisacion cu a keda funda na 2013 y a cuminsa cu Aquarobics den e prome añanan. Despues a bin landamento y poco poco a cuminsa haci coremento, ciclismo. Awor aki oficialmente pa di dos aña ta miembro oficial di Aruba Wielerbond. For di dia cu nan a bira miembro nan no tabata tin uniform. Awo, pa prome biaha nan a bin cu nan uniform.

Nan ta consisti di tres team. Eights, tin un grupo di mucha y hopi di e muchanan ta haci ciclismo. Hunto cu Outlaw Cycling y TNT, cu ta forma pa algun amigo, a join otro pa haci e deporte mas grandi y pa yuda otro tambe. Esey tambe ta filosofia cu Sportsz-4-U ta kere aden. Join otro ta engrandece un deporte, bo ta haya mas atleta, ta miho concentra y tin cosnan miho organisa.

Esey tambe por mira den nan actividadnan organisa durante aña.

Na Community Pool a tuma luga bautismo di e uniform di e seccion di ciclismo di Sportsz 4 U. E uniform di e grupo di ciclismo ,cu ta consisti di 25 mucha ,a haya sponsorship di Island Finance y GP Cargo and Services.Cu e sponsorship aki a muchanan lo sigui participa , na un forma motiva na e deporte di ciclismo cu lo tuma luga Diadomingo.Un pabien ta pa bai na e muchanan nan mayornan y Glennon Eights cu e sosten financiero aki. Y exito den e competencia cu ta tuma luga den e mundo di ciclismo.

Eights kier a gradici tur mayor, tur e muchanan, welo, wela, tio, tia cu ta trece e muchanan y tin e confiansa den Eights pa train nan y esnan cu ta yuda Sportsz-4-U bay dilanti. Fuera di esey ta gradici e directiva di e organisacion deportivo.

E aña aki Sportsz-4-U tin su uniform. Por mira cerca esunnan mas chikito te cu esnan mas grandi tin nan uniform awe. Apesar cu por ta un caminda di cruz, mirando cu no ta tur ora tin e size cu tin mester. E por a tarda un tiki, pero na final a logra. A haya un diseño. Awo e uniformnan tey. Tambe Eights kier a gradici su sponsornan, GP Cargo y Island Finance, cu a yuda nan financiera- y logisticamente pa haci e bautismo un realidad.

Island Finance

Di parti di Island Finance, Ivy Simon a comenta cu na momento cu a haya e carta di peticion di sponsor, despues di un deliberacion, a conclui cu tin cu dedica un tiki mas. A haya e bunita proyecto cu Eights ta bezig cun’e, no a duda den ningun momento den esaki.

E ta hopi trabao y hopi pasenshi, Simon a splica. Ainda e metanan di Sportsz-4-U no ta cla y ta hopi bunita. Island Finance ta kere den e proyecto y tey pa sponsor. Ta spera pa e proximo añanan, por contribui cu e organisacion deportivo.

GP Cargo

Leanne Geerman, manager na GP Cargo ta haya cu ta un bunita proyecto. Ta hopi extraordinario pa mira asina hopi mucha activo den deporte. Muchanan ta pasa hopi leuk cu otro. Pero tras di dje ta bin disciplina, e takenan na ora, e prioridad di huiswerk. Esey su tras ta loke ta forma un mucha pa e ta un miho persona den futuro. Esey ta loke GP Cargo ta para su tras. Na nan manera nan ta sponsor, den e parti logistica, den e parti di aduana. Semper nan lo tey pa yuda.

Proyecto

Sportsz-4-U tin proyectonan grandi na caminda. Riba e uniform di ciclismo tin un logo nobo, cual ta forma parti di un otro proyecto, cual lo ta lansa na october. E muchanan cu tin hopi interes den triathlon, pasobra lo bay tin un proyecto tremendo pa duna algun mucha chens di train dos luna largo sigur bao di guia y pa yega na culmina na un careda, pa asina por mira con a bay dilanti.

Comments

comments