Riba 11 di yüli 2017 i 12 di novèmber 2018, parlamentario Rozendal a manda karta pa Minister di Hustisia den kua e ta hasi pregunta tokante institushon di un asina yamá “Pedowatch”.

E mekanismo aki mester tin komo meta pa evitá́ ku muchanan ta bira víktima di abusu seksual i tambe pa registrá́ pedofil òf personanan ku tendensia di pedofilia. Rozendal a tuma nota di un kaso resien kaminda famianan a tuma rienda den nan mes man i eksponé un posibel pedofil i asta bai “regla kuenta” kune.

Awendia ku medionan sosial ta fásil pa eksponé un pedofil. Pero Rozendal ta di opinion ku outoridatnan kompetente i profeshonal mester atendé ku e fenómeno aki. Esta pa medio di un mekanismo manera “Pedowatch” kaminda instansianan i outoridat kompetente si tin bista riba e hendenan aki i por evitá muchanan bira víktima.

Den e kuadro aki Rozendal a hasi preguntanan na minister di Hustisia, señor Quincy Girigorie. Entre otro e parlamentario a puntra kiko ta e motibu ku ainda nò ta instituí un “Pedowatch” i dikon e nò ta prioridat.

Comments

comments