Diadomingo mainta den Compleho Deportivo Frans Figaroa a tuma luga e final di U-11 oro. E ekipo di RCA ta titula campeon y e ekipo di Nacional como sub-campeon.
E mayor-, familiar y fanaticonan di ambos ekipo tabata t’ey presente pa apoya e hungadonan cu tabata bataya pa logra hiba e trofeo cas. E wega a termina cu un score di 0-0.
Despues a sigui di biaha pa penalty, unda Ronald Figaroa a hinca e unico gol pa Nacional, mientras Paul-Addison Croes, Vincent Werleman y Matthew Ponson a anota gol pa RCA. Asina RCA ta sali Campeon di U-11 Oro.
Na final di e wega, vice-presidente di AVB, Geetanjali Khemlani y miembronan di directiva a entrega medaya na e ekipo di sub-campeon y campeon.
