Manera ta conoci aña pasa a aproba e compra di ful un fleta nobo di truck pa Brandweer. Aworaki un ekipo di Brandweer ta na Merca, pa asina inspecciona e trucknan nobo cu ta kedando cla, y cu lo yega Aruba na luna di augustus.
Aña pasa Conseho di Minister a aproba e suma di 2.2 miyon di florin pa por a finalisa compra di cuater truck pa Brandweer.
Di parti di Ministerio di Husticia y Asuntonan Social ta satisfecho cu esaki y lo sigui inverti den material y personal pa asina eleva e siguridad di e personal pero tambe eleva e servicio cu ta brinda na henter comunidad.
