Recientemente David Kock Legal a firma un acuerdo importante cu e bufete di abogado Mericano, Diaz-Reus. E ta un aliansa importante pa tanto Aruba como Merca. Mr. Demis Illes ta abogado y tambe ta forma parti di e team David Kock Legal. El a conta cu ta un dia grandi pa nan, caminda lo amplia nan servicio den comparacion cu locual nan ta brindando actualmente. Cu e acuerdo aki, lo por brinda servicio na un mercado cu pa hopi tempo caba tin mira riba dje.
No solamente un mira riba dje sino cu tin demanda p’e mercado aki. Door di diferencia den ley, tabata hacie dificil pa antes conseha of brinda servicio internacional cu tin di aber cu ley. Cu e aliansa nobo aki, tur e bareranan aki ta keda pa pasado. E ta algo grandi pa David Kock Legal, tur caminda cu bo por pensa rond mundo, tin un oficina di Diaz-Reus. Ta premira caba cu lo por amplia conocemento riba diferente materia, debi na e acuerdo aki. Pa Illes, semper ta importante pa mantene un standard halto.
Cu e acuerdo aki, ta un challenge pa mantene y hiba e standard na un proximo nivel. Su accento semper lo keda riba e area penal mirando cu esey ta su afenidad, for di chikito. Pero cu e acuerdo aki, lo por yuda e otro bufete y hasta complimenta den otro area mirando cu crimen pocopoco ta creciendo rond mundo.
