Awe den oranan di atardi pa anochi a surgi problema den e sistema di ELMAR cu a causa cu por lo menos cuater bario a keda sin coriente.
Ta papia di e barionan Sabana Blanco, Primavera, Paradera, Rooi Afo y Bisindario.
E hilaridad ta cu un biaha mas e culpabel tabata un blaas di helium cu a pega den e sistema di ELMAR. Como cu nan a cuminsa acumula experencia ultimo simannan aki cu blaasnan cu ta corta coriente, a logra soluciona esaki basta lihe.
ELMAR ta pidi pueblo pa conscientisa nan mes riba e problema aki, debi cu e blaas ta uza un material di aluminium cu ta afecta e sistema moderno di ELMAR. E material aki ta un metal conductivo, na momento cu blaas aki yega den contacto cu e lineanan di coriente , esaki ta ocasiona un corto circuito.
