Recientemente Centrale Accounting Dienst a trece dilanti den caso di Tulipan, riba e echo cu e minister plenipotenciario anterior tabata haci mal uzo di e servicionan VIP na aeropuerto. Minister di Finansas a haci un biahe priva y tambe a haci uzo di e servicionan protocol VIP. E minister mes a informa cu tabata biaha den priva.
Riba e asunto aki Minister di Integridad, Ursell Arends, a indica cu esaki ta cos cu ta keda na cada persona con pa atende cu nan. El a indica cu e no ta lanta mainta y mira su mes den spiel pa bisa “mi integridad y ami.”
E ta haya cu integridad ta algo cu e persona mes mester tin e y pone limite kico esey ta p’e mes. Esey ta algo cu su mes. “Mi no ta e ‘new sheriff in town’ cu ta cana zorg pa ken a comete infraccion y ami ta bay reporta nan.” Mientras prensa a trece esaki dilanti, esey ta keda na cada ken.
Segun e mandatario, na momento cu e biaha como minister, e no a haci uzo di business class. El a bin como un hende humilde y a sigui asina, aunke e ta un minister. E ta haya cu esey ta keda na cada ken pa haci eynan.
Incluso e mandatario a expresa di no a tuma nota c’un colega a biaha den VIP. E ta percura pa inverti den su ministerio y kico tur nan a bin pa haci pa goberna e isla den e forma cu nan ta haciendo.
Durante conferencia di prensa Arends a expresa di no sa di kico ta haciendo e preguntanan cu e uzo di servicio VIP na aeropuerto. E mandatario ta prefera di ta bon prepara pa ora prensa haci y asina ey e por duna un contesta.
